2 nəfərdə malyariya aşkarlanıb

Vişnevskaya-Rostropoviç Fondunun dəstəyi ilə 2010-cu ilin oktyabr-noyabr aylarında aparılmış 1-ci turun davamı olaraq, Səhiyyə Nazirliyi tərəfindən bu ilin aprel-may aylarında respublikanın 42 rayonunda 331 min nəfərdən çox I-VI-cı sinif şagirdləri arasında helmintozların (qurd xəstəliklərinin) profilaktikası məqsədilə “Albendazol” preparatı ilə 2-ci tur dehelmintizasiya (müalicə-profilaktika) tədbiri həyata keçirilib.

Lent.az-ın Səhiyyə Nazirliyinin rəsmi saytına istinadən verdiyi məlumata görə, araşdırmaların nəticələrinə əsasən, 2011-ci ilin 6 ayı ərzində yalnız 2 nəfərdə malyariya xəstəliyi aşkar olunub.
Keçən ilin müvafiq dövründə isə bu xəstəlik 23 nəfərdə qeydə alınıb.