Orqan köçürülmələri yalnız iki xəstəxanada aparılır

Lent.az-ın məlumatına görə, bunu Milli Məclisin Sosial siyasət komitəsinin sədr müavini Musa Quliyev deyib. Onun sözlərinə görə, 10 il əvvəl Azərbaycanda dünya təcrübəsinə əsaslanan, mükəmməl “Transplantasiya haqqında” qanun qəbul olunub: “Ona görə də hüquqi aspektdə bu sahədə heç bir problem ola bilməz, yeganə problem ancaq bu işin təşkilindədir”.

Millət vəkili bildirib ki, xüsusi ilə də meyitlərdən orqan köçürülməsi və beyin ölümünün təyini meyarlarının müəyyənləşməsi Azərbaycanda hələ də yoxdur: “Bu sahədə ixtisaslaşmış klinikalar və mütəxəssislər yox dərəcəsindədir. Bu gün Azərbaycanda yalnız Mərkəzi Klinikada və Mərkəzi Neftçilər Xəstəxanasında orqan köçürmələri həyat keçirilir ki, bu da azlıq edir”.

Deputatın “hazırkı qanuna görə meyitdən o zaman orqan köçürülə bilər ki, ya onun yaxın qohumun icazəsi olsun, ya da həmin şəxs tərəfindən bu barədə sağlığında imzalanmış vəsiyyətnamə olsun”- deyə əlavə edib.

Mübariz Aslanov