Yeni qanunda səlahiyyət bölgüsü

“Təhsil haqqında” qanunun icrası ilə bağlı bəzi səlahiyyətlər prezidentin özünə aiddir. Elə səlahiyyətlər də var ki, onu Nazirlər Kabineti həyata keçirməlidir.

Lent.az-ın məlumatına görə, təhsil naziri Misir Mərdanov “Təhsil haqqında” qanunun tətbiqi barədə sualları cavablandırarkən belə deyib. Onun sözlərinə görə, yeni qanunda Tələbə Qəbulu üzrə Dövlət Komissiyasının və Təhsil Nazirliyinin səlahiyyətlərinə aid məsələlər də çoxdur.

Nazir qeyd edib ki, yaxın vaxtlarda müvafiq qurumlar qanunun icrası ilə bağlı geniş şərh verəcəklər: “Hökumətə tapşırılıb ki, prezidentin sərəncamından irəli gələn məsələləri araşdırsın və qısa zaman ərzində prezidentə məlumat hazırlasınlar. “Təhsil haqqında” qanun uzun müzakirələrdən sonra qəbul olunmuş qanundur. Hər bir qurum verilmiş səlahiyyətlər əsasında onun icrası ilə bağlı tədbirlər planı hazırlayacaq”.

Elxan SALAHOV