Lənkəranda "Vito" TIR-a çırpıldı - Ölən və xəsarət alanlar var - YENİLƏNİB 2

Lənkəranda baş vermiş qəzada ölən şəxslərdən birinin kimliyi məlum olub.

Lent.az APA-ya istinadən xəbər verir ki, ölənlərdən biri Lənkəran rayonunun Şıxakəran kənd sakini 1962-ci il təvəllüdlü Gülnaz Yusub qızı Ağayevadır. Kişi cinsli digər ölən şəxsin kimliyi isə hələ məlum deyil.

Qeyd edək ki, “Mercedes Vito”nun sürücüsü Lənkəran rayonunun Şıxakəran kənd sakini 1984-cü il təvəllüdlü Amid Əhməd oğlu Məmmədovdur və o hadisədən xəsarət almadan xilas olub.

"Dong Feng" markalı yük avtomobilinin sürücüsü isə İran İslam Respublikasının Astara şəhər sakini Aydın Riyazidir.

***

23:59

Sentyabrın 16-da saat 21:20 radələrində Ələt-Astara magistral yolunun Lənkəran rayonu ərazisindən keçən hissəsində “Mercedes Vito” markalı mikroavtobusla "Dong Feng" markalı yük avtomobili toqquşub.

Lent.az xəbər verir ki, DİN-in Mətbuat Xidmətinin regional qrupundan APA-nın cənub bürosuna verilən məlumata görə, nəticədə mikroavtobusda olan 2 sərnişin həyatını itirib, 1 nəfər xəsarət alıb.

Hadisə ilə bağlı polis əməkdaşları tərəfindən araşdırma aparılır.

Verilən məlumatda sürücülərdən yol və hava şəraitini, nəqliyyat vasitəsinin xüsusiyyətlərini nəzərə alaraq müəyyən edilmiş sürət həddinə ciddi riayət etmələri, qarşıdakı nəqliyyat vasitəsi ilə təhlükəsiz ara məsafəsi saxlamaları və ötmə manevrlərini yalnız tam təhlükəsiz şəraitdə həyata keçirmələri xahiş olunur.

***

23:13

Lənkəranda "Mercedes Vito" ağır tonnajlı yük avtomobili ilə toqquşub.

Lent.az APA-ya istinadən xəbər verir ki, hadisə Ələt-Astara magistralının 155-ci kilometrliyində qeydə alınıb.

Belə ki, Astara istiqamətində hərəkətdə olan "Mercedes Vito" markalı sərnişin avtomobili arxadan İran İslam Respublikasına gedən TIR-a çırpılıb. Qəza nəticəsində ölən və xəsarət alanların olduğu deyilir.

Hadisə nəticəsində xəsarət alan 1978-ci il təvəllüdlü Gülnarə Süleyman qızı Hüseynovanın vəziyyəti ağır qiymətləndirilir. O xəstəxananın reanimasiya şöbəsinə yerləşdirilib.

Hadisə yerinə FHN-nin Cənub Regional Mərkəzinin xilasediciləri cəlb olunub.

Nəqliyyat vasitəsində sıxılıb qalan meyitlər çıxarılaraq aidiyyəti üzrə təhvil verilib.

Faktla bağlı araşdırma aparılır.