Ukrayna Azərbaycanlıları Birləşmiş Diaspor təşkilatının Odessa vilayət nümayəndəliyi Xocalı faciəsinin il dönümünü qeyd edib. Təşkilatdan Lent.az-a verilən məlumata görə, nümayəndəliyin sədri Anar Ağayevin iştirakı ilə Odessa Dövlət Ekologiya Universitetində Xocalı stendi asılıb, tələbə və müəllim heyətinə faciə ilə bağlı ətraflı məlumatlar verilib.
Bundan başqa nümayəndəlik təşkilatın Xocalı faciəsi ilə Ukraynada davam edən qanlı müharibənin paralel şəklində müqayisəsinə həsr olunmuş xüsusi buraxılışının əsasən Azərbaycan Dövlət Neft Şirkətinə (SOCAR) məxsus yanacaqdoldurma məntəqələrində paylanmasını təşkil edib.
Məntəqələrdə də faciənin ildönümü bayraqların endirilməsi, işçilərin paltarlarına xüsusi lentlərin taxılması və Xocalıya həsr olunmuş elektron məlumat lövhələrinin yerləşdirilməsi ilə qeyd olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
