Ukraynanın Poltava şəhərində ötən gen Ümumukrayna Azərbaycanlı Gənclər Təşkilatı (ÜAGT) tərəfindən “Xocalını hiss et” devizi altında aksiya keçirilib. ÜAGT Poltava nümayəndəliyinin mətbuat xidmətindən Lent..az-a verilən xəbərə görə, gənclər havanın soyuq və yağışlı olmasına rəğmən aksiyanın devizinə uyğun olaraq simvolik şəkildə qolu qısa, nazik geyimdə Xocalı haqqında xüsusi buraxılış olan qəzetləri yerli əhaliyə paylayıblar.
ÜAGT Poltava nümayəndəliyi rəhbəri Qazax Nağı aksiyanın uğurla baş tutduğunu deyib: “Düşünürəm ki, dünyanın hər bir yerində yaşayan azərbaycanlılar Xocalını qeyd etməlidir, müxtəlif formalarda etirazlar olmalıdır. Biz də etirazın bu formasını seçdik. İnsanların payladığımız qəzetləri zibil qutularına atmamalarına, oxumalarına çalışdıq. Düşünürəm ki, aksiyanı bu barədə uğurlu saya bilərik.”
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
