"Metsamor"un bağlanması zəruridir" - Novruz Məmmədov
14 iyun 2016 17:43 (UTC +04:00)

"Metsamor"un bağlanması zəruridir" - Novruz Məmmədov

 

 

Azərbaycanın Diasporla İş üzrə Dövlət Komitəsinin dəstəyi ilə Andorra Knyazlığında keçirilən Nizami Gəncəvi Beynəlxalq Mərkəzinin VIII Ali Səviyyəli toplantısı bu gün işini panel iclaslarla davam etdirib.

 

Komitənin mətbuat xidmətindən APA-ya verilən məlumata görə, “Gələcəyin siyasi xəritəsi” mövzusunda keçirilən panel iclasda regional təmsilçilik, müxtəlif bölgələrədəki münaqişələr, idarəçilik, qloballaşan dünyada dövlətlərin rolu, siyasətin regionallaşması və iqtisadiyyatın qloballaşması kimi məsələlərlə bağlı geniş fikir mübadiləsi aparılıb.

 

İclasda Ərəb Liqasıının sabiq baş katibi Əmir Musa, Azərbaycan Respublikasının Prezident Adminstrasiyası rəhbərinin müavini, Xarici əlaqələr şöbəsinin müdiri Novruz Məmmədov, Latviyanin sabiq prezidenti Valdis Zatlers, Gürcüstanın sabiq baş nazirinin müavini Eka Tkeşelaşvili və Rumıniyanın sabiq prezidenti Emil Konstantinesku çıxış edib.

 

Paneldə Ermənistan-Azərbaycan, Dağlıq Qarabağ münaqişəsi ilə bağlı çıxış edən Novruz Məmmədov bildirib ki, Varşava Paktı və SSRİ-nin süqutundan sonra meydana gələn konfliktlər beynəlxalq münasibətlərdə ədalətin yoxluğu səbəbindən baş verib: “Azərbaycan müstəqillik illərində sabitliyini, təhlükəsizliyini və davamlı inkişafını təmin edə bilib. Ancaq qonşu ölkəylə olan problemimiz ölkənin gələcək inkişafına mane olur. Münaqişənin həllində beynəlxalq hüquqa əməl edilmir, BMT-nin 4 qətnaməsi yerinə yetirilmir. ATƏT-in Minsk qrupunun həmsədrləri 25 ildir effektiv iş ortaya qoya bilməyib. Bütün bu proseslər geosiyasi maraqlara qurban verilir. Münaqişə davam edir, lakin əməli iş görülmür. Dağlıq Qarabağ və ətraf 7 rayon da daxil olmaqla işğal olunan 20 faiz Azərbaycan ərazilərindən məcburi köçkün düşmüş şəxslərin hüquqlarından, BMT Təhlükəsizlik Şurasının qətnamələrindən danışılmır”.

 

Daha sonra bu ilin aprelində Ermənistan silahlı qüvvələri tərəfindən Azərbaycan ordusu ilə təmas xəttində həyata keçirilən hərbi təxribatlara toxunan Novruz Məmmədov diqqətə çatdırıb ki, aprel döyüşlərində Ermənistan tərəfi fosfor bombalarından istifadə edib, diplomatik korpusun hərbi attaşeləri də bunun şahidi olub. Novruz Məmmədov ermənilərin Azərbaycana nüvə bombası ilə hədə-qorxu gəldiklərini də vurğulayıb.

 

Novruz Məmmədov Metsamor Atom Elektrik Stansiyasının bağlanmasının zəruriliyini diqqətə çatdırıb və bildirib ki, beynəlxalq cəmiyyət bu cür məsələlərə vaxtında reaksiya verməli olsa da, işğalçı Ermənistana heç bir təzyiq göstərilmir, sanksiya tətbiq edilmir.

 

Paneldə Latviyanın sabiq prezidenti Vayra Vike-Frayberqa, Ukraynanın sabiq prezidenti Viktor Yuşşenkonun xanımı Katerina Yuşşenko, Serbiyanın sabiq prezidenti Boris Tadiç, Gürcüstanın sabiq baş nazirinin müavini Eka Tkeşelaşvili çıxış edib.

 

Toplantı bu gün işini yekunlaşdıracaq.

# 151
avatar

APA Baycan

Oxşar yazılar

Tovuz atəşə tutuldu

Tovuz atəşə tutuldu

13 aprel 2024 , 09:10
Ermənilər Daşkəsəni atəşə tutdu

Ermənilər Daşkəsəni atəşə tutdu

12 aprel 2024 , 18:54
Ermənilər Qarabağda niyə qalmadı?  - Paşinyan AÇIQLADI

Ermənilər Qarabağda niyə qalmadı? - Paşinyan AÇIQLADI

10 aprel 2024 , 13:18
Mehriban Əliyevadan Ramazan bayramı paylaşımı

Mehriban Əliyevadan Ramazan bayramı paylaşımı

10 aprel 2024 , 08:09
İlham Əliyevdən Ramazan bayramı paylaşımı

İlham Əliyevdən Ramazan bayramı paylaşımı

9 aprel 2024 , 21:05
Ermənilər Naxçıvanı  atəşə tutdu

Ermənilər Naxçıvanı atəşə tutdu

9 aprel 2024 , 18:37
Erməni tərəf Kəlbəcəri atəşə tutub

Erməni tərəf Kəlbəcəri atəşə tutub

9 aprel 2024 , 13:50
Erməni silahlıları Laçındakı mövqelərimiz atəşə tutub

Erməni silahlıları Laçındakı mövqelərimiz atəşə tutub

9 aprel 2024 , 09:08