Gürcüstanlı ali qonaq Dövlət Bayrağı Meydanında olub

Gürcüstanın baş naziri Bidzina İvanişvili dekabrın 26-da Azərbaycana rəsmi səfəri çərçivəsində Bakıda Dövlət Bayrağı Meydanı ilə tanış olub.

APA-nın məlumatına görə, qonağa Azərbaycan prezidenti İlham Əliyevin Bakı bulvarının Dövlət Bayrağı Meydanı ilə birləşdirilməsinə dair verdiyi tapşırıqlara əsasən bu ərazidə həyata keçirilən abadlıq və tikinti-quruculuq işləri haqqında məlumat verilib.

Gürcüstanın baş naziri muzeyin fəxri qonaqlar kitabına ürək sözlərini yazıb. Qonağa xatirə hədiyyələri təqdim olunub.