Dövlət müstəqilliyinin 20-ci ildönümü münasibətilə beynəlxalq tədbir keçirilir

APA-nın məlumatına görə, tədbirdə dünyanın 58 ölkəsindən 300-ə yaxın tanınmış ictimai-siyasi xadim, o cümlədən Avropa Parlamenti, Avropa Şurası Parlament Assambleyası, ATƏT, EURONEST, Avropa ölkələri parlamentlərinin deputatları, hazırkı və keçmiş dövlət xadimləri, Nobel mükafatı laureatları, ABŞ-ın regional spikerləri, keçmiş konqresmen və senatorlar, alim və biznesmenlər, Azərbaycanın dövlət və hökumət təmsilçiləri, ictimai-siyasi xadimlər iştirak edirlər.

Tədbirdə Azərbaycan prezidenti İlham Əliyev də iştirak edib. Dövlət başçısı tədbirdə nitq söyləyib.

AVCİYA prezidenti, deputat Elxan Süleymanov çıxışında qonaqları salamlayaraq, tədbirdə iştiraka görə onlara təşəkkür edib. O, həmçinin Azərbaycan prezidentinin bu tədbirə qatılmasının dövlətin ictimai sektora verdiyi dəstəyin nümunəsi olduğunu bildirib.

Daha sonra Prezident Administrasiyası ictimai-siyasi şöbəsinin müdiri Əli Həsənov çıxış edib, Azərbaycan haqqında məlumatları iştirakçıların diqqətinə çatdırıb.

Tədbir sentyabrın 24-də başa çatacaq.