Barak Obama Respublika Günü münasibətilə Azərbaycan Prezidentini təbrik edib
27 may 2011 18:31 (UTC +04:00)

Barak Obama Respublika Günü münasibətilə Azərbaycan Prezidentini təbrik edib

Lent.az Prezidentin mətbuat xidmətinə istinadən xəbər verir ki, ABŞ Prezidenti təbrik məktubu göndərib.

“Hörmətli cənab Prezident. Respublika Günü və müstəqilliyinizin iyirminci ildönümü münasibətilə Sizi və Azərbaycan xalqını Amerika xalqı adından təbrik edirəm.

Birləşmiş Ştatlar Azərbaycanla tərəfdaşlığını yüksək dəyərləndirir. Birləşmiş Ştatlar regional enerji təhlükəsizliyinin gücləndirilməsi, Azərbaycanın demokratik və çiçəklənən dövlət kimi inkişafının təmin edilməsi və regional sabitliyin möhkəmləndirilməsi, xüsusən də Dağlıq Qarabağ münaqişəsinin sülh yolu ilə həllinin tapılması məsələlərində Azərbaycan hökuməti və xalqı ilə birgə işləmək məqsədilə daha böyük imkanların inkişaf etdirilməsinə sadiqdir.
Milli bayramınız və bu tarixi ildönümü münasibətilə Sizə və Azərbaycan xalqına ən xoş arzularımı çatdırmaqda Amerika xalqı da mənə qoşulur” – deyə məktubda qeyd edilib.
1 2 3 4 5 İDMAN XƏBƏRLƏRİ
# 519

Oxşar yazılar