ABŞ səfirliyi Eynulla Fətullayevin azadlığa çıxması ilə bağlı bəyanat yayıb
27 may 2011 13:45 (UTC +04:00)

ABŞ səfirliyi Eynulla Fətullayevin azadlığa çıxması ilə bağlı bəyanat yayıb

Səfirlikdən APA-ya daxil olan bəyanatda bildirilir ki, diplomatik missiya jurnalist Eynulla Fətullayevin azadlığa buraxılmasını alqışlayır: “Beynəlxalq ictimaiyyət ilə birgə Eynulla Fətullayevin işini yaxından izləmişik və Azərbaycanı qanunvericiliyə və beynəlxalq normalara uyğun şəkildə şəffaf və açıq hüquqi prosesə dəvət etmişik. Prezident Əliyevin cənab Fətullayevi azad etmək qərarı demokratik islahatlarda gələcək irəliləyişlərə ümid verən pozitiv bir işarədir. Birləşmiş Ştatlar fikir azadlığı da daxil olmaqla demokratik islahatlarda irəliləyiş naminə Azərbaycan hökuməti və xalqı ilə birgə çalışmağa davam edəcək. Azərbaycan Birləşmiş Ştatların mühüm əməkdaşıdır və gələcəyə aparan yolun planlaşdırılması üçün debatlarda bütün cəmiyyətin daha da çox sayda fikirlərinin səsləndirilməsi ilə öz tam milli potensialına çatacaq”.
# 333

Oxşar yazılar