“Qarabağ dünən, bu gün və sabah”
26 may 2011 12:15 (UTC +04:00)

“Qarabağ dünən, bu gün və sabah”

Lent.az-ın məlumatına görə, sayca onuncu olan konfrans 2002-ci ildən bəri hər il 28 May Respublika Günü ərəfəsində keçirilir.

Tarix üzrə fəlsəfə doktoru Firdovsiyyə Əhmədovanın aparıcılığı ilə keçirilən konfransda “Qarabağ dünən, bu gün və sabah” adlı kitab da təqdim edilib. Konfransın materiallarının toplandığı bu kitabda Qarabağın tarixi, mədəniyyəti Qarabağ müharibəsinin gedişi, münaqişənin həlli yolları və s. kimi məsələlərlə bağlı 40 məqalə var.

Konfransın keçirilməsində məqsəd Qarabağ həqiqətlərinə dair dərin elmi araşdırmaların aparılması, mütəxəssislərin fikirlərinin bir yerə cəm edilməsi, müxtəlif mülahizələrin ortaya qoyulması, materialların dünyaya da yayılması, Qarabağla bağlı reallığın beynəlxalq birliyə çatdırılmasından ibarətdir.

Bu günə qədər keçirilmiş 10 konfransın nəticəsi olaraq, 500-ə qədər məqalə kitab şəklində çap edilib və bu məqalələrin 100-dən çoxu ingilis və rus dillərinə tərcümə olunub.

Bütün bu məqalələr, həmçinin, bugünkü konfransın materialları “karabakh-doc.azerall.info” internet saytında da yerləşdirilib.

Anar
# 1294

Oxşar yazılar