Gül və Ərdoğan Azərbaycan Prezidentini təbrik etdilər

Lent.az-ın “AzərTAc” agentliyinə istinadən verdiyi məlumata görə, məktubda deyilir: “2011-ci il mayın 14-də Almaniyanın Düsseldorf şəhərində keçirilən 56-cı “Eurovision” mahnı müsabiqəsində dost və qardaş Azərbaycanın birinci olmasından böyük sevinc hissi duyduq. Azərbaycanın bu uğuru türk xalqını da həddən ziyadə məmnun etdi. Zati-aliləri, Sizin şəxsinizdə Azərbaycanı bu qələbə münasibətilə ürəkdən təbrik edirəm. Bu münasibətlə Sizə səmimi qəlbdən cansağlığı, xoşbəxtlik, dost və qardaş Azərbaycan xalqına əmin-amanlıq və rifah arzulayıram”.

Türkiyənin baş naziri Rəcəb Tayyib Ərdoğan isə Azərbaycan Prezidentinə zəng edib.
R.T.Ərdoğan Azərbaycan nümayəndələrinin Almaniyanın Düsseldorf şəhərində keçirilmiş “Eurovision-2011” müsabiqəsində qazandıqları parlaq qələbə münasibətilə dövlət başçısına təbriklərini çatdırıb və bu qələbənin Türkiyədə çox böyük sevinclə qarşılandığını vurğulayıb.