İsveçrədəki Azərbaycan diasporu 28 may – Respublika Gününü qeyd edəcək

İsveçrə Konfederasiyasındakı Azərbaycan diasporu mayın 29-da Bazel şəhərində 28 may – Respublika günü və Azərbaycanın “Eurovision 2011” mahnı müsabiqəsində qələbə qazanması münasibətilə bayram tədbiri keçirəcək.

Diasporla İş üzrə Dövlət Komitəsinin mətbuat xidmətindən Lent.az-a verilən məlumata görə, “Azərbaycanın dostları” Birliyinin təşkilatçılığı ilə baş tutacaq tədbirdə Azərbaycan diasporu ilə yanaşı, digər millətlərin nümayəndələrinin də iştirakı gözlənilir.