İqbal Ağazadə Avropa Parlamentinə haqq qazandırdı

Gənclər müxtəlif səbəblərdən həbs olunur. Cabbar Savalanlını şərləyərək həbs ediblər. Sonra da Avropa Parlamenti belə qətnamələr qəbul edir. Ona görə də bu tip məsələləri yığışdırmaq lazımdır ki, belə təşkilatlar da eyni qərarlar qəbul etməsinlər. Nə Avropa İttifaqı, nə də beynəlxalq təşkilatlar üstümüzə gəlməsin”.

Lent.az-ın məlumatına görə, bunu millət vəkili İqbal Ağazadə Milli Məclisdəki çıxışı zamanı deyib. O qeyd edib ki, dəfələrlə bu cür bəyanatların qarşısının alınması üçün təkliflər edib, yolla göstərib: “Bu həbslər nəyi dəyişir? Guya Cabbar Savalanlı o qədər böyük fiqurdur ki, çevriliş etsin? Ancaq bu məsələ ilə bağlı Azərbaycanın adı tənqidi siyahılarda qeyd edilir”.

İ.Ağazadə bildirib ki, müstəqilliyimizin 20 illiyi ərəfəsində bu halların qarşısını almaq üçün həbslərə son qoyulmalıdır.

Spiker Oqtay Əsədov isə İ.Ağazadənin çıxışına cavab verərək, Avropa parlamentinin qəbul etdiyi bu cür qətnamələrin təzyiq vasitəsi kimi istifadə edildiyini, ancaq Azərbaycan prezidentinin buna baxmayaraq, müstəqil siyasət yeritdiyini bəyan edib.

Anar Gəraylı