Abel Məhərrəmov Latviya səfiri ilə görüşüb – FOTO

Lent.az-ın məlumatına görə, BDU-nun yaranma və inkişaf tarixindən, beynəlxalq əlaqələrindən bəhs edən rektor Latviyanın ali təhsil ocaqları ilə əməkdaşlığa xüsusi önəm verməsindən, universitetlərin daha sıx və səmərəli fəaliyyət göstərmələri üçün birgə proqram və layihələrdən, tələbə-müəllim mübadiləsinin mümkünlüyündən danışıb.

1921-ci ildə Latviyanın müstəqillik qazandığı vaxt Azərbaycanın ilk olaraq Latviya xalqını bu münasibətlə təbrik etdiyini xatırladan səfir Hardis Baumanisi Azərbaycan və Latviya dövlətləri arasında sıx əlaqələrin olduğunu bildirib. Latviya Dövlət Universitetinin BDU ilə oxşar tarixinin olduğunu, onun da 1919-cu ildə yarandığını bildirən səfir Azərbaycan universitetləri, xüsusən Bakı Dövlət Universiteti ilə əməkdaşlıqda maraqlı olduqlarını qeyd edib.

BDU-da bir sıra mərkəzlərin olduğunu xatırladan rektor Abel Məhərrəmov gələcəkdə Baltik mərkəzinin də açılacağını diqqətə çatdırıb.

Qeyd edək ki, bu ilin sentyabr-oktyabr aylarında Latviya Dövlət Universitetinin rektoru Martsis Auzenişin BDU-ya səfəri olacaq. Səfər zamanı iki universitet arasında anlaşma protokolu imzalanacaq.