Ümidçilər imtahan verir - FOTO

Bu gün saat 10:00-dan etibarən Ümid Partiyasının qərargahında partiyanın Dairə Seçki Komissiyalarındakı təmsilçilərini müəyyənləşdirmək məqsədilə imtahan keçirilir. Lent.az-ın xəbərinə görə, partiyanın rayon təşkilatları hər DSK üzvlüyü üçün 2-3 namizəd irəli sürüb. Partiyanın idarə heyəti isə bu namizədləri imtahana çəkərək, onlardan birini DSK-da təmsilçi təyin edəcək.

Partiyanın təmsilçisi Razi Abbasbəylinin bildirdiyinə görə, imtahanda 20 sual qoyulub. Bu suallardan sonra isə müsahibə mərhələsi var ki, o da 5 ballıq şkala ilə qiymətləndirilir. Hər iki mərhələni uğurla keçən namizədlər DSK-larda Ümid Partiyasının təmsilçisi təyin olunacaq.

Partiya təmsilçisi bildirib ki, DSK-larda 45-50 təmsilçiyə sahibdirlər. Bu yerlərin hər biri üçün isə 2-3 namizəd var. İmtahanda təxminən 120-yə qədər namizədin iştirak etdiyini qeyd edən R.Abbasbəyli artıq onlardan yarısına qədərinin sınağa çəkildiyini vurğulayıb.

Qeyd edək ki, Ümid Partiyasında imtahan prosesi davam edir.

Anar Gəraylı