Xəzərin çirklənmədən qorunması Protokolu razılaşdırılıb

Xəzəryanı ölkələr dəniz hövzəsinin çirklənmədən qorunması haqqında Protokolu razılaşdırıblar.

APA-nın “Qolos Rossii” radiosuna istinadən verdiyi məlumata görə, sənədin mətni Xəzər hövzəsinin mühafizəsi üzrə Tehran Konvensiyası iştirakçılarının nazirlər konfransının 4-cü sessiyasında tam razılaşdırılıb. Sənəd dənizə yerüstü mənbələr tərəfindən atılan zərərli tullantıların azaldılmasını nəzərdə tutur.

Sessiyada Xəzəryanı ölkələrin ekologiya nazirləri iştirak edib.

Xatırladaq ki, Tehran Konvensiyasına 5 Xəzəryanı ölkə qoşulub.