ABŞ nümayəndəsi Bakıda görüşlər keçirib
12 dekabr 2012 18:01 (UTC +04:00)

ABŞ nümayəndəsi Bakıda görüşlər keçirib

ABŞ Xəzinədarlıq Departamenti katibi müavininin terrorizmin maliyyələşdirilməsi və maliyyə cinayətlərinə qarşı mübarizə üzrə köməkçisi Lük Bronin Bakıya səfəri başa çatıb. ABŞ-ın Azərbaycandakı səfirliyinin mətbuat xidmətindən Lent.az-a verilən məlumat görə, dekabrın 11-12 tarixində Bakıda səfərdə olan Lük Bronin Azərbaycan hökuməti və biznes nümayəndələri ilə görüşlər keçirib.

Görüşlərdə əsasən çirkli pulların yuyulması, terrorizmin maliyyələşdirilməsinə qarşı mübarizə məsələləri müzakirə olunub və İrana qarşı olan beynəlxalq sanksiyaların effektiv formada tətbiq edilməsinin vacibliyinə toxunulub.

Bildirilib ki, ABŞ, Azərbaycanla olan münasibətlərə böyük önəm verir və Azərbaycan hökumətinin maliyyə pozuntularına qarşı mübarizəsini qiymətləndirib. Cənab Broninin eyni məsələləri müzakirə etmək məqsədilə bu həftə Tiflisə səfər edəcək.
# 942

Oxşar yazılar