Qənirə Paşayeva Gürcüstandan gəlmiş nümayəndə heyəti ilə görüşüb - FOTO

Millət vəkili, Gürcüstandan gələn azərbaycanlı nümayəndə heyəti ilə görüşüb. Lent.az-ın məlumatına görə, nümayəndə heyətinə Azərbaycan-Gürcüstan Parlamentlərarası Dostluq qrupunun rəhbəri Qənirə Paşayeva Gürcüstan Parlamentinə yeni seçilmiş azərbaycanlı millət vəkili Mahir Dərziyev, Gürcüstan Azərbaycanlıları Milli Konqresinin sədri Əli Babayev, "Qeyrət"xalq hərəkatını sədri Əlibala Əsgərov, Milli azlıqların hüquqlarının müdafiəsi üzrə monitorinq qrupunun rəhbəri Elbrus Məmmədov, Qafqaz Araşdırmalar Mərkəzinin təmsilçisi Kamran Ramazanlı daxildir.

Görüş zamanı Azərbaycan-Gürcüstan münasibətləri, Azərbaycan və Gürcüstan Parlamentləri arasındakı əlaqələr, xüsusilə Gürcüstan vətəndaşı olan azərbaycanlıların vəziyyəti ilə bağlı geniş müzakirələr aparılıb.

Millət vəkili Q. Paşayeva bildirib ki, Azərbaycan-Gürcüstan Parlamentlərarası Dostluq qrupunun rəhbəri olaraq onların qaldırdıqları məsələlərin həlli istiqamətində əlindən gələn dəstəyi göstərəcək.

Millət vəkili qeyd edib ki, Azərbaycan dövləti, hər zaman Gürcüstanda yaşayan soydaşlarımıza böyük diqqətlə yanaşıb və yanaşır: "Azərbaycanın Gürcüstanla bağlı həyata keçirdiyi siyasətdə, layihələrdə, Azərbaycan tərəfindən bu ölkəyə qoyulan böyük investisiyalarda, açılan iş yerlərində təbii ki, Gürcüstan vətəndaşı olan soydaşlarımız hər zaman böyük diqqət mərkəzində olur”.