Bahar Muradova: “Tərpəniş ola bilər…”

“ATƏT-in Minsk Qrupunun həmsədrlərinin növbəti regiona səfəri zamanı yeni təkliflərin olacağını ehtimal etmirəm”.
Lent.az-ın verdiyi məlumata görə, bunu Milli Məclis sədrinin müavini Bahar Muradova söyləyib. Bahar Muradova deyib ki, vəziyyətin bu şəkildə qalmasının özü anormaldır: “Həmsədrlərin regiona səfəri nəticəsində danışıqlar prosesini bu vəziyyətdən çıxarmaq istiqamətində hansısa tərpəniş ola bilər. Səfərləri danışıqlar prosesində tərpənişin əlaməti kimi qiymətləndirmək olar”.

Vitse-spiker bildirib ki, beynəlxalq hüququn prinsipini pozan, konstruktivlikdən uzaq mövqe sərgiləyən Ermənistana təzyiq olmalıdır: “Təzyiqin ən müxtəlif formaları var və bunun arxasında konkret tədbirlər durur. Bu gün dünyada baş verən proseslər göstərir ki, təzyiq rıçaqları işə salınsa, Ermənistanı sülhə vadar etmək olar. Əks təqdirdə Azərbaycan öz ərazisində səlahiyyət və imkanlarına uyğun tədbirlər keçirməyə vadar olacaq. Bunun nə vaxt həyata keçiriləcəyini söyləmək çətindir, ancaq bu addım atılacaq”.

Ramiz