Elmar Məmmədyarov Birləşmiş Ərəb Əmirliklərinə gedir

Birləşmiş Ərəb Əmirliyinin xarici işlər naziri Abdullah bin Zayed Əl Nahyan xarici işlər naziri Elmar Məmmədyarovu Əbu Dabidə keçiriləcək üçüncü Sir Bani Yas Forumunda iştirak etməyə dəvət edib.

Xarici İşlər Nazirliyinin mətbuat xidmətindən Lent.az-a verilən məlumata görə, Elmar Məmmədyarovun Birləşmiş Ərəb Əmirliyinin Xarici İşlər Nazirliyinin təşkilatçılığı ilə keçiriləcək üçüncü Sir Bani Yas Forumunda iştirak etmək məqsədilə bu gün bu ölkəyə səfəri başlayır.

Orta Şərqdə sülh və təhlükəsizlik mövzusuna həsr olunmuş Forumda dünyanın bir sıra ölkələrinin sabiq və hazırkı xarici işlər nazirləri, nüfuzlu ictimai-siyasi xadimlər və elm adamları iştirak edəcəklər.