Yaşıl bibərin bilmədiyimiz faydaları

Tez-tez istehlak etdiyimiz yaşıl bibər sağlamlıq üçün ən vacib qidalardan biridir.

Lent.az xarici mətbuata istinadən xəbər verir ki, yaşıl bibər orqanizmdəki hüceyrələri zərərli oksidləşdirici zədələrdən qoruyur.

Yaşıl bibərin faydaları saysız-hesabsızdır. Əhəmiyyətli C, E, A və K vitaminlər mənbəyi olan bu tərəvəzin istehlakı yaşlanma əleyhinə təsir göstərir.

Xüsusilə, qış aylarında yaşıl bibər yüksək miqdarda C vitamini ilə bol istehlak edilməlidir. 100 mq porsiyada təxminən 242 mq vitamin C, 18 mq kalsium, 340 mq kalium və 25 mq maqnezium var. Tərkibindəki karnosik turşu sayəsində yaddaşı gücləndirir. Beynin sağlam işləməsinə kömək edir. Parkinson və unutqanlıq kimi xəstəliklərin riskini azaldır.

Bibər A, C və B9 vitaminləri ilə təchiz olunub, bu da yoğun bağırsaqda anormal hüceyrə artımının qarşısını alır. Antioksidanlar bədəndəki kanserogenlərlə mübarizə aparır.

Yaşıl bibər dərini hamar saxlayır və dəridəki qırışları azaldır, yüksək vitamin və mineral tərkibinə malikdir. Bağırsaq sağlamlığına faydalıdır və immunitet sistemini gücləndirir.