Siqareti tərgitmək  bu xəstəliyin qarşısını alır
29 aprel 2024 12:28 (UTC +04:00)

Siqareti tərgitmək bu xəstəliyin qarşısını alır

Qırtlaq xərçəngi olan insanlar müalicəyə başlamazdan əvvəl siqareti buraxmaqla sağalma şanslarını əhəmiyyətli dərəcədə artıra bilərlər. 

Lent.az xarici mətbuaya istinadən xəbər verir ki, bunu Oklahoma Universitetinin (OU) alimlərinin araşdırması göstərib. Siqaretin qırtlaq xərçəngi üçün daha pis proqnozla əlaqəli olduğunu göstərən bir çox araşdırma var. Tədqiqatçılar yeni işdə onların diaqnozunu öyrəndikdən sonra siqareti buraxan insanlara diqqət yetiriblər. Xərçəng diaqnozu qoyulan xəstələr həftələr ərzində radiasiya terapiyası alıblar və ya cərrahi əməliyyat olunublar. Müalicədən əvvəl siqareti buraxanların müalicəyə tam cavab vermə ehtimalı təxminən dörd dəfə çox idi, yəni həkimlər onlarda xərçəngə dair heç bir dəlil tapa bilməyiblər. Bu, qırtlağın çıxarılması və səs çıxaran aparatın quraşdırılması riskini 50% azaldıb. Bu prosedur ənənəvi müalicə üsulları nəticə vermədikdə istifadə olunur. Bu, həyat keyfiyyətinin pisləşməsi və udma çətinliyi ilə müşayiət olunur. 

Bundan əlavə, araşdırmalara görə, siqareti buraxanlar daha uzun yaşayırlar. Üç illik müalicə müddətində siqareti buraxanların 83%-i, çəkməyə davam edənlərin 66%-i sağ olub. Beş ildən sonra siqareti buraxanların 79%-i və siqaret çəkənlərin 60%-i, yeddi ildən sonra isə 56%-ə qarşı 75%-i sağ qalıb. 

Alimlər hesab edirlər ki, qırtlaq xərçəngi diaqnozu qoyulmuş insanlar intensiv siqareti buraxma proqramlarına ehtiyac duyurlar.

# 1881
avatar

Arzu Qurbanlı

Oxşar yazılar