Gecə alt paltarı geyinmədən yatın - Həkimdən ÇAĞIRIŞ

Yatarkən pijama və ya alt paltarı geyinmək hər kəsin şəxsi seçimidir. Bəziləri rahatlığı, bəziləri isə gigiyenanı ön planda tutur. Lakin mütəxəssislər xəbərdar edir: gecə alt paltarı ilə yatmaq sağlamlığınız üçün zərərli ola bilər.

Gecə alt paltarı ilə yatmaq niyə zərərlidir?

Lent.az xarici mediaya istinadən xəbər verir ki, ispaniyalı anestezioloq Dr. David Kalejo alt paltarsız yatmağın tibbi baxımdan daha sağlam olduğunu bildirib.

O, bu barədə paylaşdığı videoda vurğulayıb ki, alt paltarsız yatmaq infeksiyaların qarşısını almağa kömək edir. Xüsusilə yay aylarında bədən temperaturunun artdığı bir dövrdə bədənə nəfəs alma fürsəti vermək, həm kişi, həm də qadın sağlamlığı üçün olduqca vacibdir.

Kişilər üçün alt paltarsız yatmağın faydaları

Dr. Kalejonun sözlərinə görə, kişilərin xayaları bədən temperaturundan təxminən 2 dərəcə daha aşağıda olmalıdır ki, normal funksiyasını yerinə yetirə bilsin. Lakin dar alt paltarı və ya yuxu zamanı geyinilən sıx pijama bu bölgənin temperaturunu artıraraq sperma keyfiyyətini azalda bilər, reproduktiv sağlamlığa mənfi təsir göstərə bilər.

Mütəxəssis bildirir: “Alt paltarsız yatmaq xayaların bədəndən bir qədər uzaq, sərin və sağlam vəziyyətdə qalmasına kömək edir.”

Qadınlar üçün alt paltarsız yatmağın faydaları

Qadınlar üçün əsas problem intim bölgədə yaranan nəm və sürtünmədir. Dr. Kalejo qeyd edir ki, alt paltarı havanın keçməsinə mane olur, bu isə kandidoz (maya göbələyi), bakteryel vaginoz kimi infeksiyaların yaranmasına zəmin yaradır.

“Alt paltarsız yatmaq intim bölgədə havalanmanı təmin edir, nəmliyi azaldır və mikrofloranın balansını qoruyur”.

Yəni qadınlar üçün alt paltarsız yatmaq, intim gigiyena və sağlamlıq baxımından daha təbii və təhlükəsiz seçimdir.

Gecə dərinin nəfəs almasına imkan verin

Həkimlərin fikrinə görə, dərinin gecə saatlarında təzyiqsiz və sərbəst olması, ümumi dəri sağlamlığına da müsbət təsir edir. Paltar və ya alt geyim bəzən həssas dərilərdə qıcıqlanma,səpki və ya qaşınma yarada bilər.

Xüsusilə sintetik materiallardan hazırlanmış alt paltarları bakteriyaların inkişafı üçün əlverişli şərait yaradır.

Alt paltarsız yatmaq hamı üçün məcburi olmasa da, bir çox halda sağlamlıq baxımından daha faydalı sayılır. Bu vərdişi gündəlik həyatınıza daxil etməzdən əvvəl, rahatlığınıza və şəxsi gigiyenanıza uyğun şəkildə qərar vermək tövsiyə olunur.

Əgər bədəniniz daha az qapanmış hiss edildikdə daha rahatdırsa və səhər yuxudan daha enerjili oyanırsınızsa, bu dəyişiklik sizin üçün doğru ola bilər.