Dağıntılar altından çıxan insanlarda hansı xəstəliklər yaranır? - HƏKİM DANIŞDI

Türkiyədə baş verən dəhşətli zəlzələdən sonra həkim mütəxəssis Başar Cander dağıntılardan çıxanlarda görünə biləcək mühüm problemləri açıqlayıblar.

Lent.az xarici mətbuata istinadən xəbər verir ki, mütəxəssis bildirib ki, zəlzələ zamanı dağıntılar altından xilas olan insanlarda travma və hipotermiya yaranır:

"Biz hələ fəlakətin ölçülərini görə bilməmişik. Bunu ölən və yaralananların sayında da görürük. Saylar artır və təəssüf ki, artmaqda davam edəcək. Sağlamlıq qruplarının dağıntılar altından çıxan insanlarda diqqət etməli olduğu ilk şey travmadır. Bu, travma qaydalarına uyğun idarə edilməlidir. Məsələn, çox incə işləyərək, yaralı dağıntılardan tədricən çıxarılmalıdır. İlk növbədə ərazi genişləndirilməlidir. Yaralıları bir anda çıxarmaq mümkün deyil. Ona görə də bu əməliyyatlar mümkün qədər peşəkar və təlim keçmiş insanlar tərəfindən aparılmalıdır. Hipotermiya bədən istiliyinin həddindən artıq azalması nəticəsində yaranır. Vaxtında müdaxilə edilməsə, ürək dayanması nəticəsində insan ölə bilər. Bu, xalq arasında "dondurucu ölüm" adlanan bir xəstəlikdir. Ona görə də yaralının yerləşdiyi ərazini isti hava ilə təmin etmək, yaralını dərhal xüsusi yorğana bükmək vacibdir”.