COVID-in  yeni variantı   FliRT: nə qədər  təhlükəlidir,   nəyi bilməlisiniz
20 may 2024 09:09 (UTC +04:00)

COVID-in yeni variantı FliRT: nə qədər təhlükəlidir, nəyi bilməlisiniz

COVID-in yeni variantının əlamətləri artıq tanış olanlardan fərqlidir.
Dünyada yt nfr lfdyj - ilkin adı FliRT olan koronavirusun yeni variantı aşkar edilib.

Lent.az xarici KİV-ə istinadla bildirir ki, bu barədə ABŞ-ın Con Hopkins Universitetinin İctimai səhiyyə məktəbinin saytında məlumat verilib.

Alimlər qeyd edirlər ki, bu ad KP.2, JN.1.7 kimi müxtəlif variantlardan ibarət bütöv bir ailəni, eləcə də KP və ya JN ilə başlayan hər hansı digər variantları birləşdirir. Onların hamısı müstəqil olaraq eyni mutasiya dəstini əldə ediblər və son aylarda bütün dünyada yayılmış JN.1 variantının nəslindəndirlər.

Bu yaxınlarda COVID-19 olan insanlar FLiRT variantları ilə infeksiyadan qorunurmu?

Alimlərin fikrincə, JN.1 infeksiyası bütün FLiRT variantlarına qarşı kifayət qədər güclü müdafiə təmin etməlidir, çünki onlar JN.1-dən cəmi bir və ya iki amin turşusu dəyişikliyi ilə fərqlənirlər. JN.1-dən daha köhnə variantla yoluxma, çox güman ki, eyni səviyyədə qorunma təmin etməyəcək.

Mövcud peyvəndlər FLiRT variantlarına qarşı nə dərəcədə effektivdir?

Bəzi yeni variantlar üzərində araşdırmalar hələ aparılmayıb, lakin mühafizə səviyyəsinin bir qədər aşağı ola biləcəyi güman edilir. Bundan əlavə, bir çox insanın son peyvənd dozasını almasından bir neçə ay keçib və zaman keçdikcə immunitet zəifləyir.
FLiRT variantları səbəbindən bu yay yoluxmaların artacağını gözləyə bilərikmi?

FLiRT variantları yeni infeksiya dalğasına səbəb ola biləcək ən lider viruslar sırasındadır. Bununla belə, il ərzində halların sayında davamlı dalğalanmalara baxmayaraq, indi pandemiyanın ilk illərinə nisbətən xəstəxanaya yerləşdirmə və ölüm halları xeyli azdır.

FLiRT variantlarının ötürülməsinin əlamətləri və müddəti hansılardır?

Bu variantların əlamətləri əvvəllər məlum olanlardan fərqlənmir. FLiRT variantları üçün yoluxucu dövr eyni olaraq qalır: infeksiyadan sonra əlamətlərin görünməsi üçün beş və ya daha çox gün çəkə bilər, baxmayaraq ki, onlar daha erkən görünə bilər. 

Əlamətlərin  görünməsindən bir-iki gün əvvəl və onlar yox olduqdan bir neçə gün sonra yoluxucu olursunuz. Əvvəlki variantlarda olduğu kimi, bəzi insanlar əlamətlər göründükdən sonra bir həftəyə qədər virusla qarşılaşa bilər, bəziləri isə təkrarlanan əlamətlərlə qarşılaşa bilər.

1 2 3 4 5 İDMAN XƏBƏRLƏRİ
# 2529
avatar

Oxşar yazılar

Bu giləmeyvə insanı xərçəngdən  qoruyur

Bu giləmeyvə insanı xərçəngdən qoruyur

27 iyul 2024 , 11:17
Hansı tərəvəzləri çiy yemək  olmaz?

Hansı tərəvəzləri çiy yemək olmaz?

26 iyul 2024 , 19:33
Üzməyə getməmişdən əvvəl bu qidalardan uzaq durun, yoxsa...

Üzməyə getməmişdən əvvəl bu qidalardan uzaq durun, yoxsa...

26 iyul 2024 , 18:54
Diş fırçasını  nə vaxt dəyişmək lazımdır?

Diş fırçasını nə vaxt dəyişmək lazımdır?

26 iyul 2024 , 17:23
Orqanizm üçün ən sağlam  meyvə şirəsi

Orqanizm üçün ən sağlam meyvə şirəsi

26 iyul 2024 , 15:39
DİQQƏT!  Qəhvəni bu saatlarda içməyin

DİQQƏT! Qəhvəni bu saatlarda içməyin

26 iyul 2024 , 11:06
Virusun yoluxucu olub-olmadığı  belə müəyyən ediləcək

Virusun yoluxucu olub-olmadığı belə müəyyən ediləcək

26 iyul 2024 , 10:14
Həddindən artıq yuxu bu xəstəliyə  səbəb olur

Həddindən artıq yuxu bu xəstəliyə səbəb olur

25 iyul 2024 , 19:46