Bu əlamət qan xərçənginin xəbərçisidir

Onkoloqlar isti duşun qan xərçəngini aşkar etməyə necə kömək etdiyini açıqlayıblar.

Lent.az xarici mətbuata istinadən xəbər verir ki, mütəxəssislərin fikrincə, isti duş leykoz və ya qan xərçənginin qeyri-adi göstəricilərindən biri ola bilər.

Qan xərçənginin erkən mərhələlərində simptomlar digər xəstəliklər kimi maskalana bilər, ümumi zəiflik, yorğunluq və dərinin kiçik zədələnməsi şəklində özünü göstərir.

Ancaq diqqət edilməli olan qeyri-adi əlamətlərdən biri duşdan sonra qaşınmadır.

Yüksək miqdarda histamin (allergik reaksiyalara cavabdeh olan maddə) olan hüceyrələr qan xərçənginin erkən mərhələlərində xüsusilə həssas olur. Nəticədə dəri isti suya reaksiya verə, qaşınmaya səbəb ola bilər.

Qan xərçəngi adətən 40 yaşdan yuxarı insanlarda diaqnoz qoyulur. Buna görə də, bu yaş kateqoriyasındasınızsa və duşdan sonra güclü qaşınma hiss edirsinizsə, tam qan testi üçün həkimə müraciət etməlisiniz. Nəticələr yüksək qırmızı qan hüceyrələrinin sayını göstərirsə, əlavə test tələb oluna bilər.