Ağcaqanad əleyhinə spreylər sağlamlığınıza zərərlidirmi?

İnsanlar ağcaqanadları və digər həşəratları karbon qazı və dəri qoxusu ilə cəlb edir.

Lent.az xarici mətbuata istinadən xəbər verir ki, spreylər, rulonlar, diffuzorları düzgün istifadə edildikdə, repellentlər insan sağlamlığı üçün təhlükəsiz sayılır. Həşəratlar spreylərin tərkibindəki maddələri sevmir, ona görə də yaxından uçmur və dişləmirlər.

Repelentlər müxtəlif formalarda olur. Dəriyə spreylər və kremlər tətbiq olunur və bəzən "fumiqantlar" adlanan məkan repellentləri qızdırılır və havaya yayılır. Bu məhsullar şamlar, spirallər və elektrik diffuzorları şəklində satılır. Məkan repellentlərinə adətən metoflutrin, transflutrin, terpenoidlər və 1-metilpiperazin daxildir. Bu birləşmələr insanlar üçün təhlükəsiz sayılır, lakin onların uzunmüddətli sağlamlıq təsirləri yaxşı başa düşülmür. Məsələn, bir il ərzində hər gecə elektrik diffuzorundan istifadənin sağlamlığa zərərli olub-olmaması məlum deyil, çünki mövcud tədqiqatlar əsasən heyvanlar üzərində aparılıb.

Əgər siz repellentlərin tərkibindəki aktiv maddələrin təsirindən narahatsınızsa və ya onların kəskin qoxusundan baş ağrınız varsa, düzgün istifadə etdiyinizə əmin olmalısınız.