Soyuq havaların ən məşhur yeməyi “Mərci şorbası”: Bu xəstəliklərə faydalıdır...

Qış fəslinin gəlməsi və havaların soyuması mətbəxlərdə daha çox şorbaların bişirilməsinə təkan verir. Çünki şorbaların tərkibi, adətən vitamin və minerallarla bol olur. Bu da xəstəliklərdən qorunmağa və immunitetin güclənməsinə kömək edir.

Xanımlar, Lent.az bu dəfə sizə mәrci şorbasının hazırlanma qaydasını təqdim edəcək:

Mərci çox faydalı qida məhsuludur. Mərcinin tərkibində asan mənimsənilən zülallar, karbohidratlar, qidalı liflər, əvəzolunmaz aminturşular, Omeqa-3 və Omeqa-6 yağ turşuları, beta-karotin, E, B qrupu vitaminləri, dəmir, sink, maqnezium, fosfor və digər vacib minerallar var.Təbii liflərlə zəngin olan mərci bağırsaqlar üçün çox faydalıdır. Mərci bağırsaqları əsaslı şəkildə təmizləyir, orada yığılan ziyanlı maddələrin xaric olunmasını sürətləndirir.

Mәrci şorbasının resepti belәdir:

1 stәkanı qırmızı mәrci

1 xörәk qaşığı kәrә yağı

1 xörәk qaşığı tomat pastası

1 әdәd soğan

½ çay qaşığı qırmızı toz bibәr

1 çay qaşığı duz

6 stәkan su vә ya әt suyu

Hazırlanma qaydası:

Öncə mərciməyi yuyun. Soğanı xırda-xırda doğrayın. Üzərinə duz və kərə yağı əlavə edib, qızılı rəng alana qədər qovurun. Daha sonra tomat pastası əlavə edib, 3 dəqiqə də qızardın. Suyu süzülmüş mərciməyi soğanın üstünə töküb 2-3 dəqiqə qovurun. Qovurduqdan sonra suyunu əlavə edib, zövqə görə duz və istiot səpib, bişirin. Hazır şorbanı istəyə görə blenderlə əzə bilərsiniz. Mərcimək şorbasının üzərinə nanə qurusu, limon suyu və s. səpib, süfrəyə vermək olar.

Nuş olsun!