Xalq artisti, tanınmış aktyor Ramiz Əzizbəylinin səhhətindən xəbər var.
Lent.az-a açıqlama verən xalq artistinin qızı Xədicənin sözlərinə görə, atasının səhhəti arada yaxşı olsa da, bəzən də pis olur: “Artıq xeyli müddətdir ki, atam ev şəraitində müalicə olunur. Çox sağ olsun həkimi Nərgiz Ağayeva. İlk gündən nəzarət edir. İnsult xəstəliyi elədir ki, ondan qurtulmaq asan iş deyil. Həkimlərdə söylədilər ki, müalicəsi xeyli müddət davam etməlidir. Atamın nitqində də problemlər olur. Hazırda həkiminin yazdığı dərmanları qəbul edir və ev şəraitində bir neçə fiziki hərəkətlər edilir".
Qeyd edək ki, R.Əzizbəyli fevralın 21-də yaşadığı binanın qarşısında keçirdiyi avtomobil qəzasından sonra beyin insultu diaqnozu ilə Azərbaycan Tibb Universitetinin Tədris-Terapevtik Klinikasına yerləşdirilmişdi. Daha sonra müalicəsini Mərkəzi Gömrük Hospitalında davam etdirirdi. Bir neçə müddətdir aktyor evə buraxılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
