Heydər Əliyev Sarayında uşaqlar üçün “Novruz şənliyi” keçirilib. Lent. az-ın məlumatına görə, əyləncəli konsert proqramında ölkəmizin tanınmış uşaq kollektivləri iştirak ediblər. Şənlikdə rəqs kollektivlərinin ifasında milli və müasir rəqslər, muğam, aşıq ifaları, xüsusilə Novruzun sevimli qəhrəmanları olan Keçəl və Kosanın məzəli deyişmələrindən ibarət səhnəciklər uşaqların böyük sevincinə və marağına səbəb olub.
Şənlikdə iştirak edən xalq artisti Faiq Ağayev, müğənni Yaşar Cəlilov, Nicat Məhərrəmov iştirak edərək, uşaqları təbrik ediblər.
Qeyd edək ki, şənlikdə Sarayın rəhbərliyinin dəvəti ilə, “UAFA” təşkilatı, Beynəlxalq Əlillər Cəmiyyəti, Binəqədi veteranlar təşkilatı, Nərimanov rayonu Əlillər cəmiyyəti, “Himayə” uşaq təşkilatı, “Dəcəllər” daun sindiromlu uşaqların təşkilatı, Yasamal rayonu müharibə veteranları və şəhid ailələri cəmiyyəti, “Ay İşığında” ictimai birliyi, 20 yanvar şəhid ailələrindən olan uşaqlar və ailə üzvləri təmənnasız olaraq iştirak ediblər.
Konsertin informasiya dəstəkçiləri Lent.az informasiya agentliyi, Kaspi və Mədəniyyət qəzetləri, Kanal-S televiziyasıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
