Şahdağdakı otellər dolub – Nazir açıqladı

“Sovetski”dəki 118 tarixi abidə var". Lent.az-ın məlumatına görə, bunu mədəniyyət və turizm naziri Әbülfəs Qarayev Qara Qarayev adına Mərkəzi İncəsənət Məktəbində keçirdiyi mətbuat konfransında deyib. Onun sözlərinə görə, həmin binaların arasında bəziləri yerli əhəmiyyətlidir: "Elə binalar var ki, onların da əhəmiyyəti o qədər çox deyil. Amma onların üzərində xüsusi memarlıq bəzəkləri var. Həmin binalar da məhz o bəzəklərə görə bu siyahıya salınıb".

Ərazidə Cəlil Məmmədquluzadə, Abdulla Şaiqin ev muzeyi də var. Nazir bildirib ki, həmin binalar muzey olduqları üçün sökülməyəcək: “Ola bilər ki, onlar tarixi abidə kimi o qədər əhəmiyyətli deyil. Amma muzey olduqları üçün onlar yerində qalacaq. Əhəmiyyətinə görə ikinci dərəcəli hesab edilən təxminən 30 -a yaxın bina sökülməyəcək. Gələcək inkişaf konsepsiyalarında həmin binalara ona inteqrasiya olunacaq. Bunun nəticəsində həmin binalar daha maraqlı təqdim olunacaqlar”.

Çıxışında qış turizminə də toxunan nazir gələn ilin yanvarın 15-dək Şahdağ Qış Turizm Kompleksində, Qəbələ və Lənkəran bölgəsində olan bütün otellərin yüz faiz bron olduğunu da qeyd edib.