Azərbaycanın tanınmış müğənnisi Röya avqustun 10-da Qəbələdə keçiriləcək konsertinə hazırlaşır. Qəbələ Qafqaz Sport Hoteldə gerçəkləşəcək gecədə, Röya ilə yanaşı meyxanaçı Vüqar və DJ Cina səhnə alacaq. Bu barədə Lent.az-a konsertin təşkilatçısı Nahid Emiloğlu məlumat verib: “Röyanın konsertindən 1 gün qabaq, yəni 9 avqustda, Qəbələdə xalq artisti Alim Qasımovla birgə qızı Fərqanənin konserti olacaq. A.Qasımov qızı ilə birgə Azərbaycanın xalq mahnıları və muğamlarını dəsgah şəklində təqdim edəcək. 10 avqusta isə Röyanın konserti olacaq. Bu konsertdə Röya ən sevilən hit mahnılarını ifa edəcək. Bir sözlə, maraqlı gecə olacaq”.
Qeyd edək ki, xalq artisti A.Qasımovun və Röyanın Qəbələ konsertinin informasiya dəstəkçisi Lent.az-dır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
