Bu gün dünya şöhrətli kolumbiyalı yazıçı, Nobel mükafatçısı Qabriel Qarsia Markeslə vida mərasimi keçiləcək. APA-nın İTAR-TASS-a istinadən verdiyi məlumata görə, vida mərasimi Mexikonun İncəsənət Mərkəzində baş tutacaq. Mərasimdə Meksika və Kolumbiyanın prezidentləri iştirak edəcək.
Bir neçə gün əvvəl yazıçının cəsədi yaxın qohumlarının iştirakı ilə yandırılıb. Markesin külünün harada saxlanacağı ilə bağlı bir neçə gün əvvəl başlanmış mübahisəyə bu gün son qoyulacaq. Yazıçının ailə üzvləri Markesin külünün onlara yaxın yerdə saxlanılmasını tələb ediblər.
Kolumbiyanın Meksikadakı səfiri Jose Qabriel Ortis isə bildirib ki, mərhum yazıçının külü iki ölkəyə - Meksikaya və Kolumbiyaya səpələnəcək.
Qeyd edək ki, Kolumbiyada anadan olan yazıçı ömrünün son 50 ilini Meksikanın paytaxtı Mexikoda yaşayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
