Bir neçə gün öncə Latviyanın paytaxtı Riqada, musiqi akademiyasında Azərbaycan muğamı səsləndirilib. Bir neçə saat davam edən konsert proqramında xalq artisti Mənsum İbrahimov, “Qarabağ” qrupunun musiqiçiləri - tarzən Elçin Həşimov, kamança ifaçısı Elnur Əhmədov, Kamran Kərimov və Coşqun Sadıqov öz məharətlərini göstəriblər. Latviyanın prezidenti də tamaşaçılar arasında olub. Konsertdən sonra musiqiçilərimiz prezident A.Berzinşlə görüşüblər.
Mənsum İbrahimov səfər təəssüratları Lent. az-la bölüşüb:
"Konsert Azərbaycanın müstəqillik gününə həsr olunmuşdu. Biz konserti təbii ki, yenə də Qarabağ şikəstəsi ilə bitirdik. Məni ən çox təsirləndirən Latviya prezidentinin bu ifaya münasibəti oldu. Konsertdən sonra görüşdə o bizə dedi ki, Qarabağ şikəstəsinin sözlərini mən başa düşməsəm də, bir şeyi anladım ki, bu kosmik musiqidir. Hətta sonradan bizə xəbər verdilər ki, konsertin sabahı günü, Özbəkistan prezidenti İslam Kərimovu qəbul edən Latviya prezidenti ona muğamdan danışıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
