Dekabrın 8-də mərhum sənətkar, xalq artisti Gülxar Həsənovanın 95 illik yubileyi münasibəti ilə Opera və Balet Teatrında Üzeyir Hacıbəylinin “Leyli və Məcnun” operası göstəriləcək. Teatrdan Lent.az-a verilən məlumata görə, tamaşada əsas partiyaları xalq artistləri Nəzakət Teymurova (Leyli) və Mənsum İbrahimov (Məcnun) ifa edəcəklər. Opera tamaşasını əməkdar incəsənət xadimi Sevil Hacıyeva idarə edəcək.
Qeyd edək ki, Gülxar Həsənova 1942-1992-ci illərdə Opera və Balet Teatrının solisti olub və teatrın repertuarındakı əksər milli opera tamaşalarında aparıcı partiyalarda Leyli (“Leyli və Məcnun”), Əsli (“Əsli və Kərəm”), Şahsənəm (“Aşıq Qərib”), Ərəbzəngi (“Şah İsmayıl”), Xanəndə qız (“Koroglu”) və s. çıxış edib. Onun yaratdığı bütün obrazlar dolğunluğu, kamilliyi və təbiiliyi ilə seçilib. Dekabrın 10-da onun 95 yaşı tamam olur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
