Oktyabrın 31-dən Bakı Dövlət Sirkinin mövsümi açılışı olacaq. Sirkdən Lent.az-a verilən məlumata görə, yeni sirk proqramı Rusiyadan dəvət olunub. Dünyada ilk dəfə yaradılmış “Fəvvarələr fantaziyası” adlı proqramda manejdə fəvvarələr şousu, lazer şou, hündür fantanlar şousu və digər bir-birindən maraqlı nömrələr göstəriləcək.
Ümumilikdə iki saatdan çox davam edəcək proqramda hava gimnastları, şən klounlar, janqlyorlar, əhilləşmiş heyvanlar və digər nömrələr də təqdim edəiləcək. Hər gün üç seans olacaq.
Biletlərin qiyməti 6-10 manat arasında dəyişir. 20 gün davam edəcək proqramın biletlərini saat 10:00-dan başlayaraq 20:00-a qədər sirkin kassalarından əldə etmək mümkündür. Biletlər artıq satışdadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
