Avqustun 14-də Brüsselin "Qrand-Plas" meydanında 19-cu "Gül Xalçası" türklərin Belçikaya immiqrasiyasının 50-ci ildönümünə həsr edilib. Lent.az-ın buro247.az-a istinadən məlumatına görə, bu il təxminən 600.000 beqoniya Türkiyənin məşhur kilimçilik sənətinin həndəsi naxışlarını canlandırıb. Ümumi sahəsi 1800 kvadrat metr, uzunluğu 75 metr, eni isə 25 metr olan gül xalçası üzərində 120 könüllü 6 saat çalışıb. Ziyarətçilər bu əsrarəngiz mənzərəni həm meydanda, həm də Brüssel şəhər İcra Hakimiyyətinin binasından izləyə bilərlər.
Qeyd edək ki, "Gül xalçası" Brüsselin əsas meydanında 2 ildə bir dəfə keçirilir. 1964-cü il iyulun 16-da Belçika və Türkiyə türklərin Belçikaya immiqrasiyasına icazə verən iki tərəfli konvensiya imzalayıb. Bugün Belçikada 220 000-dən çox türk məskunlaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
