Smayliklərin TARİXÇƏSİ - XVIII əsrdə Türkiyədə yaranıbmış

Sentyabrın 19-da smayliklərin “doğum günü” hesab olunur.

İnternet üzərindən yazışmalarımızda çox istifadə etdiyimiz smayliklər necə yaranıb? Lent.az bu işarələrin necə yaranması barədə məlumatı diqqətinizə çatdırır.

İlk smaylik işarəsinə XVIII əsrə aid bir dulusçuluq məmulatının üzərində rast gəlinib. Türkiyədə hazırlanmış qədimi gil şərab kuzəsinin üzərində gülümsəyən üz şəkli var.

Yazıçı Vladimir Nobakov hələ sovet dönəmində təbəssüm işarəsi olaraq mötərizə işarəsini işlətməyi təklif eləsə də, bu ideya olaraq qalmışdı.

1963-cü ildə amerikalı kommersiya rəssamı Harvi Oll ilk sarı gülümsəyən smayliki yaratdı. O, bu smayliki müxtəlif reklam məhsullarının üzərinə yapışdırmaq üçün çəkmişdi. Tezliklə gülümsəyən üz təsviri ilə nişanlar, maqnit bəzək aksessuarlar dəbə düşdü. Rəssam bu sadə əl işinin belə uğur qazanacağını gözləmirdi. O, təcili müəlliflik hüququnu elan etdi və patentdən milyonlar qazandı.

Bu sarı işarə ABŞ prezidenti Niksonun hakimiyyətini ironik şəkildə əks etdirmək üçün də istifadə olunub.

Rəqəmsal smayliklərin müəllifi isə ABŞ Karneqi Mellon Universitetinin professoru Skott Falmandır.

O, 1982-ci ildə ən sadə kompüterlər vasitəsilə dostları ilə yazışmalar zamanı yumoristik ifadələrin itdiyini, zarafatların yanlış anlaşıldığını görüb belə bir ideya irəli sürdü. İlk dəfə smayliklər 1982-ci ilin 19 sentyabrında tətbiq olundu.

İlk smaylik sadəcə gülümsəmə işarəsini əks etdirirdi.

Əvvəlcə elektron məktublarda istifadə olunan emojilər, sonra bütün dünyaya yayıldı.

1999-cu ildə yaponlar ilk emoji dəstlərini hazırladılar. Burda həyatın bütün sahələrinə və bütün duyğulara dair işarələr var idi.