Yaşar Nuri mükafat aldı - FOTO

Lent.az-ın məlumatına görə, xalq artisti Milli Kino Günü ilə bağlı Azərbaycan Respublikası Kinematoqrafçılar İttifaqının katibliyi tərəfindən təsis edilmiş Milli Kino Mükafatı ilə mükafatlandırılıb.

Mükafat xalq artistinə İttifaq sədri Şəfiqə Məmmədova tərəfindən təqdim edilib. Yaşar Nuri çıxış edərək bildirib ki, İttifaqın ilk mükafatına layiq görüldüyü üçün özünü xoşbəxt hiss edir: “Axır ki, mən də 61 yaşımda kino ittifaqına üzv oldum. Mənə göstərdiyiniz diqqətə görə təşəkkür edirəm. Kinonun inkişafı üçün əlimdən gələni əsirgəməyəcəyəm. Bir stol, bir çörək almaqla bəlkə dəstək olaram. Bilmirəm. Amma hər cür dəstək olmağa hazıram. Yeni-yeni filmlərdə görüşmək ümidi ilə”.

Xalq artisti bildirib ki, o, Türkiyədə müalicəsini yarımçıq qoyaraq, tədbirdə iştirak etmək üçün Bakıya gəlib. Bir neçə gündən sonra yenidən Türkiyədə müalicəsini davam etdirəcək.