Mədəniyyət və Turizm Nazirliyinin rəsmiləri Gədəbəydə səfərdə olub

Səfərin məqsədi rayonda kənd mədəniyyət və turizm müəssisələrinin fəaliyyətində mövcud problemlərin araşdırılması olub
Mədəniyyət və Turizm Nazirliyinin nümayəndələri mayın 20-də Gədəbəy rayonunda olub. Lent.az-ın Gəncəbasar müxbirinin verdiyi məlumata görə, rayonun Mədəniyyət evində təşkil olunan tədbirdə nazirliyin aparat rəhbəri Firudin Qurbanovun rəhbərlik etdiyi nümayəndə heyəti və kənd mədəniyyət müəssisələrinin işçiləri iştirak edib.
Tədbirin məqsədi rayonda kənd mədəniyyət və turizm müəssisələrinin fəaliyyətində mövcud olan problemlərin araşdırılması olub. Mədəniyyət və Turizm Nazirliyinin Elm və təhsil, mədəni irs, iqtisadiyyat kimi şöbələrindən nümayəndələrə rayonda mədəniyyət və turizm sahəsinin inkişafı üçün mövcud imkanlardan söz açılıb. Kənd mədəniyyət və turizm müəssisələrinin fəaliyyətində olan mövcud olan problemlər müəyyənləşdirilib. Bu istiqamətdə vətəndaşların müraciət və təklifləri də nəzərdən keçirilib, problemlərin həlli yolları araşdırılıb.
Vüsalə Cənnətova