“Aleko” Bakıda
10 sentyabr 2012 17:11 (UTC +04:00)

“Aleko” Bakıda

Azərbaycan Dövlət Akademik Opera və Balet Teatrında Sergey Raxmaninovun “Aleko” operasının quruluşu üzərində işlər aparılır. Teatrın mətbuat xidmətindən Lent.az-a verilən məlumata görə, rus opera sənətinin incilərindən biri olan “Aleko”nun quruluşçu-rejissoru tanınmış ukraynalı opera rejissoru Nikolay Tretyakdır. N.Tretyak teatr rəhbərliyinin dəvəti ilə dünən Bakıya gəlib. O, artıq tamaşanın quruluşu üzərində çalışır. Tamaşanın dirijoru əməkdar incəsənət xadimi, professor Yalçin Adıgözəlovdur.

Tamaşada teatrın əsas solistlərindən əməkdar artistlər Əli Əsgərov, Əvəz Abdullayev, Zemfira İsmayılova, həmçinin gənc və istedadlı vokalçılar İlahə Əfəndiyeva, İlham Nəzərov, Fərid Əliyev, Tural Ağasiyev Səbinə Vahabzadə iştirak edəcəklər.

Tamaşanın premyerasını noyabrın sonunda keçirmək nəzərdə tutulur.

Jalə
# 1128

Oxşar yazılar