Yumurtanı qaynadıb, suyunu əsla tökməyin - Bilmədiyiniz faydaları

Mətbəxinizdə fərqində olmadan tökdüyünüz yumurta suyu əslində təəccüblü dərəcədə faydalı ola bilər. Əsrlərdir bilinən, lakin çox az insanın qiymətləndirdiyi bu təbii məhsul tərkibi baxımından bir çox sahədə işə yarayır.

Lent.az bununla bağlı məlumatları sizə təqdim edir:

Qaynadılmış yumurtanın suyu — yumurtanın qabığından suya keçən kalsium, kalium və maqnezium kimi minerallarla zəngindir. Bu səbəbdən, adətən lavaboya tökülən bu maye əslində olduqca qidalıdır. Xüsusilə qabıqlı şəkildə qaynadılan yumurtalarda bu mineral keçidi daha güclü olur. Qidalanma mütəxəssislərinə görə, bu su həm də protein və vitamin baxımından da dəyərlidir. A, B12, D və E vitaminləri ilə sink və selenyum kimi elementlər də bu suya keçə bilər. Bu səbəbdən qaynama suyunu qiymətləndirmək, həm israfın qarşısını alır, həm də sağlamlığa fayda verir. Qaynadılmış yumurta suyu tərkibindəki kalsium və minerallar sayəsində bitkilər üçün təbii gübrə rolunu oynayır. Xüsusilə çiçəkli və yarpaqlı bitkilərdə kök inkişafını dəstəkləyir, yarpaqların daha canlı görünməsini təmin edir. Bitkilərinizi bu su ilə həftədə bir dəfə sulamaq torpağın mineral balansını yaxşılaşdıra bilər.

Yumurta qabıqlarından suya keçən minerallar bitkinin böyüməsini sürətləndirir və torpağın məhsuldarlığını artırır. Ancaq bu sudan istifadə etməzdən əvvəl yumurtaların yaxşıca yuyulmuş olması bakteriya riskini azaltmaq baxımından vacibdir.

Saç və dəri baxımı

Yumurta suyu tərkibindəki protein və minerallar sayəsində saç sağlamlığına da müsbət təsir göstərə bilər. Xüsusilə quru və cansız saçlara sahib olanlar bu suyu saç yaxalama suyu kimi istifadə edə bilərlər. Saçlara parlaqlıq verir, qırılmaları azalda və saç dərisini bəsləyə bilər. Eyni zamanda dərini tonik kimi dəstəkləyə bilər. Kollagen istehsalını təşviq edən tərkibi sayəsində dərinin elastikliyini artıra bilər. Bu su dəridəki incə qırışların görünümünü azaltmağa kömək edə bilər. Qaynadılmış yumurta suyu şorbalarda, souslarda və xəmir işlərində istifadə oluna bilər. Xüsusilə tərəvəz şorbalarına əlavə edildikdə həm qatılaşdırıcı təsir göstərir, həm də qida dəyərini artırır. Həmçinin yumurta salatlarında və ya makaron souslarında da ləzzətverici element kimi istifadə oluna bilər.