Yataq otağında bu rənglərdən istifadə etməyin: Sağlamlığa zərərdir

Mütəxəssislər yataq otağında bir neçə rəngin sağlamlığa zərərli ola biləcəyini açıqlayıblar.

Lent.az xarici mətbuata istinadən xəbər verir ki, yataq otağındakı bəzi aqressiv çalarlar yuxusuzluğa səbəb olur. İnsanlarda narahatlıq və ya hətta depressiya da yarada bilər.

Qırmızı ən sərt rənglərdən biri hesab olunur. Ehtirası, təhlükəni simvollaşdırır, uzun müddət düşünmək isə qəzəb, əsəbiliyə gətirib çıxara bilər.

Yataq otağından çıxarılması lazım olan rənglərdən biri də qaradır. Bu rəngin yuxusuzluğa və pis kabuslara yol açma ehtimalı var. Narıncı rəng də yataq otağı üçün uyğun sayılmır.

Bənövşəyi yaradıcılıq, güc və israfçılıqla əlaqəli parlaq rəngdir. Ancaq yataq otağında divarları bu rənglə boyasanız, tezliklə daimi yorğunluq və yuxululuq hiss etməyə başlayacaqsınız.

Qəhvəyi rəng duyğularınıza mənfi təsir göstərə bilər. Bu rəngin çox olduğu bir yataq otağında olmaqla kədər, narahatlıq, təklik və hətta depressiya hiss edə bilərsiniz. Bundan əlavə, bu rəng yuxu müddətinə mənfi təsir göstərir.

Yataq otağı üçün pastel rənglər idealdır - açıq bej, bej-çəhrayı, sarımtıl-ağ və s.

Yaxşı yuxu üçün gündəlik rejimə riayət etmək, axşamlar həddindən artıq yeməmək, axşamın ikinci yarısında kofeindən və şirniyyatlardan imtina etmək, yatmazdan əvvəl otaqları havalandırmaq və yüksək keyfiyyətli paltarlar seçmək məsləhətdir.