Tramp komandasının qürurla ABŞ-da istehsal ediləcəyini iddia etdikləri yeni T1 smartfonu ekspertlər arasında şübhə ilə qarşılanıb.
APA xəbər verir ki, telefonun Çin istehsalı olan mövcud modelə bənzəyəcəyi və ABŞ-da bu qədər tez istehsala başlamasının qeyri-mümkün olacağı bildirilir.
Mütəxəssislər Trampın T1 smartfonu ilə Çin istehsalı olan, artıq bazarda olan “Wingtech Revvl 7 Pro 5G” smartfonunun dizaynı və xüsusiyyətləri arasında heyrətamiz oxşarlıqları qeyd ediblər. Çin istehsalı olan cihaz Amazonda təxminən 169 dollara satılır.
Bu oxşarlıq Tramp smartfonunun orijinal ABŞ dizaynı və istehsalı olub-olmaması ilə bağlı ciddi suallar doğurur.
Mütəxəssislər vurğulayırlar ki, ABŞ-da sıfırdan cib telefonu istehsalı müəssisəsi tikmək illər çəkəcək.
Həmçinin bildirilir ki, telefon ABŞ-da yığılsa belə, onun komponentlərinin əksəriyyəti yenə də xaricdən gələcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
