İnsanların içinə girən "cin"lərin ÇIXARILMA YOLU

Bir insanın içinə cinin girdiyini müəyyən etməyin yolları tapılıb.

Lent.az xarici KİV-ə istinadən xəbər verir ki, bu barədə Ata Carlos Martinos danışıb və o, Roma Katolik kilsəsində ən yaxşı cin çıxaranlardan biri hesab olunur.

Martinos bir vaxtlar ateist olsa da, son 20 ilini cinləri qovmağa sərf edib. O, təcrübə vasitəsilə insanın içinə cinin girməsini öyrəndiyini iddia edib.

Martinos qəribə davranan yanğınsöndürənlərə kömək etmək üçün çağırıldığı vaxtları xatırlayıb. Onun sözlərinə görə, o, sakitcə kişinin pencəyinə müqəddəs su töküb və nəticəsini gözləyib:

"O, məndən geri çəkildi və pişik kimi fısıldayaraq havaya uçdu. Mən əmin oldum ki, bir cinlə danışdım. O an mən onda qeyb elmini, qeybi biliyi aşkar etdim".

Ata Martinosun fikrincə, cinlər realdır, lakin zaman və məkandan kənarda yaşayırlar, onlar adi insanların əldə edə bilməyəcəyi biliklərə malikdirlər. Müqəddəs su ilə epizod sadəcə belə bir biliyi nümayiş etdirir.

"Həyatınızın müəyyən bir nöqtəsində sizinlə baş verən və sizdən başqa heç kimin görmədiyi bir şey haqqında danışırlarsa, bu, okkultizm haqqında məlumatdır" deyə şeytan çıxaran izah edib. Bu işarə Ata Martinezə kimin həqiqətən dəli olduğunu və ya sadəcə xəstə olduğunu müəyyən etməkdə kömək edir.

Cin girmənin ikinci klassik əlaməti tanımadığı dillərə sahib olmaqdır. Cin çıxaranlar tez-tez qəsdən sahib olduqları və ya heç kimin bilməyəcəyi dillərdən istifadə edirlər. Əgər eyni dildə cavab verirlərsə, deməli, onların içində cin danışır. Bu, bir-iki söz və ya ifadə demək deyil. Tanış olmayan dildə tam sərbəst danışmaq lazımdır: insan sözdə səhv etmədən danışmalı, konstruksiyalardan düzgün istifadə etməli, büdrəməməlidir.

Üçüncü əlamət fövqəlbəşəri gücdür. 50 kiloqramlıq qadın 80 kiloqramlıq kişini qaldırıb otağın o biri tərəfinə ata bilməz. Ata Martinezin dediyinə görə, əgər bu baş verərsə, deməli, siz fövqəltəbii varlıqla qarşılaşmısınız.