Avtomobilinizdəki pis qoxulardan necə qurtulmaq olar? - Ən ucuz ÜSUL

Bir qəpiyə başa gələn çox sadə alətlə avtomobilinizin salonunu təravətləndirə bilərsiniz.

Lent.az xəbər verir ki, Britaniya kral ailəsinin sirrini – avtomobilin salonunu tez və ucuz təravətləndirməyi kral mülklərinin keçmiş işçisi Enn Simmons açıb. Qadın 10 il VIP nəqliyyatda işləyib. Onun sözlərinə görə, yüksək vəzifəli şəxslərin avtomobillərinin salonunda daimi xoş ətir saxlamaq üçün adətən çay paketlərindən istifadə olunur.

Maşını mühüm hadisəyə hazırlayarkən o, qüsursuz təmiz salonda küf qoxusu problemi ilə qarşılaşıb.

"Əlimdə heç bir bahalı məhsul yox idi, ona görə də oturacağın altına quru çay paketi qoydum. Nəticə bütün gözləntiləri üstələdi" deyə Enn bildirib.

Mütəxəssislər çayın havanı necə təzələdiyini araşdırıb izah ediblər. Çay yarpaqlarının təbii xüsusiyyətləri eyni zamanda nəm uducu və qoxu aradan qaldırıcı kimi effektiv işləyir.

"Çay havanı yaxşı nəmləndirir, qapalı məkanda xoşagəlməz qoxuların yaranması üçün şəraiti minimuma endirir. Əgər meyvəli və ya ətirli içkidən danışırıqsa, o zaman xoşagəlməz qoxunun əlavə maskalanmasından da danışmaq olar", - ekspertlər deyir.

Bir paket çay bəzən çox ucuz başa gəlir ki, bu da bahalı avtomobil hava təravətləndiricilərindən yüz dəfələrlə ucuzdur. Eyni zamanda, bu həyat hiyləsi sağlamlıq üçün daha təhlükəsizdir. Çünki tərkibində kimyəvi maddələr deyil, allergiya və ya baş ağrısına səbəb olmayan təbii maddələr var.

Odur ki, kabinədə hava təravətləndiricisi kimi yeni quru çay paketlərindən istifadə edin.

Onları ön oturacaqların altına qoyun. Ən yaxşı ətir nanə, lavanda və ya berqamot ilə aromatik çaylarda olur. Paketləri ən azı 1-2 həftədən bir dəyişdirmək tövsiyə olunur.