Nadir Qafarzadə: "Şou-biznesə virus düşüb"

Müğənni Nadir Qafarzadə şou-biznesin hazırkı durumundan danışıb. Lent.az-ın məlumatına görə, ifaçı “10-lar” verilişində deyib ki, şou aləmində bir çox sənətçilər artıq əvvəlki kimi yaradıcılıq işlərində aktiv deyil: “Mənimlə eyni vaxtda sənətə gələnlər çox iş gördü. Bizdən sonrakılar heç nə etmir. Bilmirəm bu nə ilə bağlıdır: ya maddi durum pisdir, ya da həvəsləri yoxdur. Şou-biznesə virus düşüb, müalicə etmək lazımdır. Aygün Kazımova 25 ildir səhnədədir, işləyir. Faiq Ağayev də işlər görür. Zülfiyyə Xanbabayeva əvvəllər daha çox “guruldayırdı”: turnelər, kliplər... İndi nədənsə küsüb. İstəyərdim yenidən səhnədə “guruldasın”.