Şərq ulduz falı (25-31 mart)

OĞLAQLAR bu günlər tələm-tələsik qərar verməməlidirlər. Ətrafdakılarla haqq-hesab çürütməməyə çalışın. Onsuz da heç nəyə nail olmayacaqsınız, yalnız nüfuzunuza xələl gətirəcəksiniz. Pul məsələlərində xüsusilə ehtiyatlı olun. İşinizlə bağlı hər bir dəyişiklik xeyrinizə olacaq, yaradıcılıq və təşkilatçılıq potensialınızı üzə çıxaracaqdır.

DOLÇALAR karyera barədə ciddi-ciddi düşünməlidirlər. Hadisələrin uğurlu gedişatı sayəsində peşəkarlığınızın artıra biləcəksiniz. Lakin bu o demək deyildir ki, siz əlinizi ağdan qaraya vurmamalısınız. Təşəbbüskar olmasanız ki, gözəl fürsəti əldən qaçırmayasınız. Bu həftə sizi yeni görüş və tanışlıqlar gözləyir. Etibarlı dost və tərəfdaşlar qazana bilərsiniz.

BALIQLAR bu həftə bir-birinə tamamilə əks olan iki istiqamətdə uğur qazanacaqlar. Siz həm tamamilə yeni layihələrə başlayacaq, həm də yarımçıq qalmış işlərə qayıdacaqsınız. Bunun üçün dəstək gözlədiyiniz adamlarla uzun-uzadı danışıqlar aparmalısınız. Pul ehtiyacınız olsa, borc almaq üçün cəsarətlə yaxınlarınıza müraciət edə bilərsiniz. İndiki halda yaxından borc götürmək bankdan kredit almaqdan daha sərfəlidir.

QOÇLARA plan və niyyətlərini həyata keçirmək üçün əla şans verilir. Kifayət qədər peşəkar olmadığınız işlərin qulpundan yapışmayın. Uğur qazanmağınız imicinizdən çox asılı olacaqdır. Odur ki, nə özünüzdən, nə də, - xüsusən, əgər söhbət incə məxluqlardan gedirsə, - sevdiklərinizdən pul əsirgəməyin.

BUĞALAR çoxdankı niyyətlərini gerçəkləşdirə biləcəklər. Başladığınız hər bir iş hamı tərəfindən sevinc və razılıqla qarşılanacaqdır. Bununla belə, tələm-tələsik qərarlar qəbul etməməlisiniz. Müdrik məsləhətlərə qulaq asın. Maddi vəziyyətiniz sabit olaraq qalmaqdadır. Doğrudur, sizə qızıldan dağlar vəd olunmur. Lakin cibinizə böyük məbləğdə pulun axacağı tamamilə realdır.

ƏKİZLƏRİ maraqlı hadisələr gözləyir. Əlverişli imkanlardan maksimum yararlanmaq üçün dəyişikliklər küləyinin hansı səmtdən əsdiyini düzgün müəyyənləşdirməlisiniz. Həftə içi işgüzar tərəfdaşlarınızla kompromisə gəlməyiniz sizə nəinki külli miqdarda qazanc gətirəcək, həmçinin qarşınızda yeni əməkdaşlıq üfüqləri açacaqdır.

XƏRÇƏNGLƏR hər gün qarşılaşdıqları insanlara xüsusi diqqət yetirməlidirlər. Həmkarlarınızla danışanda sizi düzgün başa düşdüklərinə əmin olmalısınız. Onda aranızda anlaşılmazlıq yaranmayacaqdır. Maliyyə işləriniz uğurla gedir. Yaxşı olar, pullarınızı sağa-sola xərcləməyəsiniz. Bu həftə qiymətli məlumatlar əldə edəcəksiniz. İntuisiyanız sayəsində dolaşıq vəziyyətlərdən baş çıxarıb yeganə düzgün qərarı qəbul edə biləcəksiniz.

ŞİRLƏR bu həftə müdriklik nümayiş etdirməlidirlər. Düzgün taktika seçsəniz, can atdığınız hər şeyi əldə edəcəksiniz. Bəlkə də, həyat prioritetlərinizi gözdən keçirib qarşınıza yeni məqsədlər qoymalısınız. Təcrübəli, müdrik işgüzar tərəfdaşlarınızın məsləhət və təkliflərinə qulaq asmalısınız. Bu yolla mənfəətli layihələrə qoşula biləcəksiniz.

QIZLAR sağlam təfəkkürə söykənməlidirlər. Gizli istedadlarınızı üzə çıxarmaq vaxtı gəlib çatmışdır. Onda ətrafdakıların da sizə qarşı münasibəti dəyişəcəkdir. Enerjiniz artacaqdır. Vaxtı çatmış problemləri həll etmək üçün bu fürsətdən istifadə etməlisiniz. Yaxın qohumlarınızla münasibətləriniz rahat və səmimi olacaq, sizə ruh yüksəkliyi bəxş edəcəkdir.

TƏRƏZİLƏRİ maraqlı görüşlər və lazımlı adamlarla danışıqlar gözləyir. Kulinariyadan tutmuş iqtisadiyyatadək istənilən sahədə bilik əldə etmək üçün münasib vaxtdır. İndi ətrafınızda yaradıcılıq ovqatı yaranmağa başlayır. Hər şey özünüzdən asılı olacaqdır. Bədxahlarınızın ah-vayına və pıç-pıçlarına əhəmiyyət verməyin. Onlar sizə heç nə edə bilməz. Bütün əhəmiyyətsiz içləri bir kənara qoyub, fikrinizi əsas məsələ üzərində cəmləməlisiniz. Onda uğur sizin olacaqdır.

ƏQRƏBLƏR təlaşa qapılmayıb özlərini təmkinli aparsalar, onları səmərəli və çox fəal bir həftə gözləyir. Siz həyatınızın müxtəlif sahələrini nizamlamalısınız. Enerjinizi quruculuğa yönəldin, onda imkanlarınızı genişləndirəcək mühüm ideya kəşf edə bilərsiniz. Bunun sayəsində yeni perspektivlər görə bilərsiniz. Lakin yarımçıq qalmış işlərinizi də unutmayın. Yoxsa, bu işlər ən namünasib vaxtda əl-ayağınıza dolaşacaqdır.

OXATANLAR arzu olunan ilə zəruri olan arasında seçim etməlidirlər. Maliyyə vəziyyətiniz sabit olacaqdır. Evinizin interyerinə əl gəzdirə bilərsiniz. Pullarınızı cəsarətlə xərcləyin. Bu günlər karyera yüksəlişi baxımından da uğurlu olacaqdır. Rəhbərliklə təsadüfi görüşünüzdən öz məqsədləriniz üçün istifadə edin. İdeya və planlarınızı ətraflı şərh edin. Təşəbbüsləriniz mütləq dəstəklənəcək.

AzərTac